Dhammānulomapaccanīya (3), Dukadukapaṭṭhānapāḷi (6)

8 segments · SuttaCentral ·

Tip — double-click any Pāli word to look it up in the dictionary.

← →

0.1

Paṭṭhānapakaraṇa

0.2

Dhammānulomapaccanīya (3), Dukadukapaṭṭhānapāḷi (6)

0.3

18.17. Āsavasampayuttaduka, Hetuduka

1.1

Āsavasampayuttaṁ hetuṁ dhammaṁ paṭicca naāsavasampayutto nahetu dhammo uppajjati hetupaccayā … tīṇi.

2.1

Āsavavippayuttaṁ hetuṁ dhammaṁ paṭicca naāsavavippayutto nahetu dhammo uppajjati hetupaccayā … tīṇi.

3.1

Āsavasampayuttaṁ hetuñca āsavavippayuttaṁ hetuñca dhammaṁ paṭicca naāsavasampayutto nahetu dhammo uppajjati hetupaccayā … tīṇi. (Saṅkhittaṁ.) Hetuyā nava, ārammaṇe tīṇi …pe… vipāke ekaṁ …pe… avigate nava.

4.1

Āsavasampayuttaṁ nahetuṁ dhammaṁ paṭicca naāsavasampayutto nanahetu dhammo uppajjati hetupaccayā … tīṇi.

5.1

Āsavavippayuttaṁ nahetuṁ dhammaṁ paṭicca naāsavasampayutto nanahetu dhammo uppajjati hetupaccayā … ekaṁ. (Saṅkhittaṁ.) Hetuyā cattāri …pe… vipāke ekaṁ …pe… avigate cattāri.