Dhammapaccanīyānuloma (4), Dukatikapaṭṭhānapāḷi (3)

6 segments · SuttaCentral ·

Tip — double-click any Pāli word to look it up in the dictionary.

← →

0.1

Paṭṭhānapakaraṇa

0.2

Dhammapaccanīyānuloma (4), Dukatikapaṭṭhānapāḷi (3)

0.3

21.17. Hetuduka, Vedanāttika

1.1

Nahetuṁ nasukhāya vedanāya sampayuttaṁ dhammaṁ paṭicca hetu sukhāya vedanāya sampayutto dhammo uppajjati hetupaccayā. Nahetuṁ nasukhāya vedanāya sampayuttaṁ dhammaṁ paṭicca nahetu sukhāya vedanāya sampayutto dhammo uppajjati hetupaccayā. Nahetuṁ nasukhāya vedanāya sampayuttaṁ dhammaṁ paṭicca hetu sukhāya vedanāya sampayutto ca nahetu sukhāya vedanāya sampayutto ca dhammā uppajjanti hetupaccayā. (Saṅkhittaṁ.) Hetuyā tīṇi …pe… avigate tīṇi.

2.1

Nahetu nadukkhāya vedanāya sampayuttamūlaṁ tīṇiyeva. (Saṅkhittaṁ.) Hetuyā tīṇi …pe… avigate tīṇi. (Vipākaṁ natthi.)

3.1

Nahetuṁ naadukkhamasukhāya vedanāya sampayuttaṁ dhammaṁ paṭicca hetu adukkhamasukhāya vedanāya sampayutto dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.