17. Paṭipadāvagga — Tripiṭaka Reader

0.1

Aṅguttara Nikāya 4.162

Numbered Discourses 4.162

0.2

17. Paṭipadāvagga

17. Practice

0.3

Vitthārasutta

In Detail

1.1

“Catasso imā, bhikkhave, paṭipadā.

“Mendicants, there are four ways of practice.

1.2

Katamā catasso?

What four?

1.3

Dukkhā paṭipadā dandhābhiññā,

Painful practice with slow insight,

1.4

dukkhā paṭipadā khippābhiññā,

painful practice with swift insight,

1.5

sukhā paṭipadā dandhābhiññā,

pleasant practice with slow insight, and

1.6

sukhā paṭipadā khippābhiññā.

pleasant practice with swift insight.

2.1

Katamā ca, bhikkhave, dukkhā paṭipadā dandhābhiññā?

And what’s the painful practice with slow insight?

2.2

Idha, bhikkhave, ekacco pakatiyāpi tibbarāgajātiko hoti, abhikkhaṇaṁ rāgajaṁ dukkhaṁ domanassaṁ paṭisaṁvedeti.

It’s when someone is ordinarily full of acute greed, hate, and delusion. They often feel the pain and sadness that greed, hate, and delusion bring.

2.3

Pakatiyāpi tibbadosajātiko hoti, abhikkhaṇaṁ dosajaṁ dukkhaṁ domanassaṁ paṭisaṁvedeti.

2.4

Pakatiyāpi tibbamohajātiko hoti, abhikkhaṇaṁ mohajaṁ dukkhaṁ domanassaṁ paṭisaṁvedeti.

2.5

Tassimāni pañcindriyāni mudūni pātubhavanti—

These five faculties manifest in them weakly:

2.6

saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.

faith, energy, mindfulness, immersion, and wisdom.

2.7

So imesaṁ pañcannaṁ indriyānaṁ muduttā dandhaṁ ānantariyaṁ pāpuṇāti āsavānaṁ khayāya.

Because of this, they only slowly attain the conditions for ending the defilements in the present life.

2.8

Ayaṁ vuccati, bhikkhave, dukkhā paṭipadā dandhābhiññā.

This is called the painful practice with slow insight.

3.1

Katamā ca, bhikkhave, dukkhā paṭipadā khippābhiññā?

And what’s the painful practice with swift insight?

3.2

Idha, bhikkhave, ekacco pakatiyāpi tibbarāgajātiko hoti, abhikkhaṇaṁ rāgajaṁ dukkhaṁ domanassaṁ paṭisaṁvedeti.

It’s when someone is ordinarily full of acute greed, hate, and delusion. They often feel the pain and sadness that greed, hate, and delusion bring.

3.3

Pakatiyāpi tibbadosajātiko hoti, abhikkhaṇaṁ dosajaṁ dukkhaṁ domanassaṁ paṭisaṁvedeti.

3.4

Pakatiyāpi tibbamohajātiko hoti, abhikkhaṇaṁ mohajaṁ dukkhaṁ domanassaṁ paṭisaṁvedeti.

3.5

Tassimāni pañcindriyāni adhimattāni pātubhavanti—

And these five faculties manifest in them strongly:

3.6

saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.

faith, energy, mindfulness, immersion, and wisdom.

3.7

So imesaṁ pañcannaṁ indriyānaṁ adhimattattā khippaṁ ānantariyaṁ pāpuṇāti āsavānaṁ khayāya.

Because of this, they swiftly attain the conditions for ending the defilements in the present life.

3.8

Ayaṁ vuccati, bhikkhave, dukkhā paṭipadā khippābhiññā.

This is called the painful practice with swift insight.

4.1

Katamā ca, bhikkhave, sukhā paṭipadā dandhābhiññā?

And what’s pleasant practice with slow insight?

4.2

Idha, bhikkhave, ekacco pakatiyāpi na tibbarāgajātiko hoti, nābhikkhaṇaṁ rāgajaṁ dukkhaṁ domanassaṁ paṭisaṁvedeti.

It’s when someone is not ordinarily full of acute greed, hate, and delusion. They rarely feel the pain and sadness that greed, hate, and delusion bring.

4.3

Pakatiyāpi na tibbadosajātiko hoti, nābhikkhaṇaṁ dosajaṁ dukkhaṁ domanassaṁ paṭisaṁvedeti.

4.4

Pakatiyāpi na tibbamohajātiko hoti, nābhikkhaṇaṁ mohajaṁ dukkhaṁ domanassaṁ paṭisaṁvedeti.

4.5

Tassimāni pañcindriyāni mudūni pātubhavanti—

These five faculties manifest in them weakly:

4.6

saddhindriyaṁ …pe… paññindriyaṁ.

faith, energy, mindfulness, immersion, and wisdom.

4.7

So imesaṁ pañcannaṁ indriyānaṁ muduttā dandhaṁ ānantariyaṁ pāpuṇāti āsavānaṁ khayāya.

Because of this, they only slowly attain the conditions for ending the defilements in the present life.

4.8

Ayaṁ vuccati, bhikkhave, sukhā paṭipadā dandhābhiññā.

This is called the pleasant practice with slow insight.

5.1

Katamā ca, bhikkhave, sukhā paṭipadā khippābhiññā?

And what’s the pleasant practice with swift insight?

5.2

Idha, bhikkhave, ekacco pakatiyāpi na tibbarāgajātiko hoti, nābhikkhaṇaṁ rāgajaṁ dukkhaṁ domanassaṁ paṭisaṁvedeti.

It’s when someone is not ordinarily full of acute greed, hate, and delusion. They rarely feel the pain and sadness that greed, hate, and delusion bring.

5.3

Pakatiyāpi na tibbadosajātiko hoti, nābhikkhaṇaṁ dosajaṁ dukkhaṁ domanassaṁ paṭisaṁvedeti.

5.4

Pakatiyāpi na tibbamohajātiko hoti, nābhikkhaṇaṁ mohajaṁ dukkhaṁ domanassaṁ paṭisaṁvedeti.

5.5

Tassimāni pañcindriyāni adhimattāni pātubhavanti—

These five faculties manifest in them strongly:

5.6

saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.

faith, energy, mindfulness, immersion, and wisdom.

5.7

So imesaṁ pañcannaṁ indriyānaṁ adhimattattā khippaṁ ānantariyaṁ pāpuṇāti āsavānaṁ khayāya.

Because of this, they swiftly attain the conditions for ending the defilements in the present life.

5.8

Ayaṁ vuccati, bhikkhave, sukhā paṭipadā khippābhiññā.

This is called the pleasant practice with swift insight.

5.9

Imā kho, bhikkhave, catasso paṭipadā”ti.

These are the four ways of practice.”

5.10

Dutiyaṁ.